GözLəyəcəyəm Səni...
Müəllif: NaR CiCeYiN Bölmə: Şeir Baxıldı: 303
Gözləyəcəyəm səni, baharımı yazımı,
yazılmamış yazımı.
Ayrılıqdan saralıb, solan məhəbbətimi,
sönən səadətimi.
Gözləyəcəyəm səni, arzumu, diləyimi
o nazlı mələyimi.
Girmisən ürəyimə, ordan yuxularıma
coşan duyğularıma.
Ötəri baxışınla alıb ixtiyarımı,
düşüncəmi ağlımı.
Valeh etmisən məni, səsinə gülüşünə,
o incə öpüşünə.
Nə gözəldi qamətin? Sən nədən yaranmısan
günəşmisən, aymısan.
Bəlkə günahlarımdan doğan bir cəzamısan
Gah yandırıb, gah yaxıb, gah dondurursan məni,
ovsunlayırsan məni.
İstəyirəm yapışım o isti bədəninə
Qollarım gərdəninə.
Gecələr sonsuz olsun, nəyə lazımdı səhər
sənsiz həyatım zəhər.
Qapılıb hislərimə bir kimsədən xəbərsiz
qala bilmirəm sənsiz.
Gözləyəcəyəm səni, ümidlərin solsa da,
könlüm xəzan olsa da.
Tələsən yarpaqların, bəlkə ləngiyəni var,
sənsiz dünya mənə dar.
Gözləyəcəyəm səni, baharımı yazımı,
yazılmamış yazımı.
Ayrılıqdan saralıb, solan məhəbbətimi,
sönən səadətimi...
Səhifənin ünvanı:
http://ray.az/2010/02/11/g246zl601y601c601y601m-s601ni.html
