BüRcLəR...
Müəllif: NaR CiCeYiN Bölmə: Əyləncə, Maraqlı Baxıldı: 395
QOÇ
İştirakçısı olduğunuz əksər situasiyalar xeyrinizə cərəyan edəcək. Sadəcə olaraq, hər addımda məntiqə əsaslanmalı, yersiz mübahisə və dedi-qodulara əhəmiyyət verməməlisiniz. Yeni və riskli iş təkliflərinə razılıq verməyə tələsməyin. Ötən həftələrdən qalmış maliyyə problemləriniz ayın 18-dən etibarən qaydasına düşəcək.
BUĞA
Həftənin ümumi mənzərəsi qənaətbəxşdir. Odur ki, hansısa xoşagəlməzliyi gözləməyin. 16-19 fevral aralığında əsas diqqəti maliyyə problemlərinizin həllinə yönəldin ki, çətinliyiniz olmasın. Çünki indiki ərəfədə pula böyük ehtiyacınız var. İstirahət günlərində səhhətinizi diqqətdə saxlayın.
ƏKİZLƏR
Ulduzlar təcrübəli insanların məsləhətlərindən yararlanmağı tövsiyə edir. Yalnız bu halda nəzərdə tutduğunuz planları reallaşdıra bilərsiniz. Həftəarası uzaq səfərləri imkan daxilində təxirə salın. Çünki hər hansı maraqlı hadisə ilə rastlaşmayacaqsınız. Ailə-sevgi münasibətlərində təzadlı baxışlardan əl çəkin.
XƏRÇƏNG
Qarşınızda əsl yaradıcı bir həftə durur. Azacıq özünüzə qapılmağınız kifayətdir ki, dağı dağ üstünə qoyasınız. Çalışın heç olmasa iki gün romantik düşüncələrinizlə baş-başa qalasınız. İstirahət günlərində isə çoxdan görüşmədiyiniz doğma və yaxınlarınıza baş çəkin. Fevralın 18-dən sonra şəxsi büdcənizdə artım gözlənilir.
ŞİR
Planetlərin yerdəyişməsi ərəfəsində (19-20 fevral) müqəddəs ziyarətgahlarımıza tez-tez baş çəkməyə çalışın ki, daxili sıxıntılarınız azalsın. Ailədaxili problemlərinizi həll etməyə səy göstərin. Kənar müdaxilələrə əhəmiyyət verməyin. Çünki ətrafınızdakı bədxah adamlar sizi gözdən salmaq istəyirlər. Fəaliyyətlə bağlı riskli hərəkətlərə isə yol verməyin.
QIZ
Bu həftə Göy qübbəsi büdcənizin artacağını mütləq sayır. Bu səbəbdən də bütün mümkün variantlardan yararlanmağa çalışın. 15-18 fevral aralığında isə səhhətinizə, xüsusən də daxili orqanlarınıza diqqət ayırın. Həmin günlərdə uzaq səfərə çıxmağınız məsləhət deyil. Sonrakı günlərdə rəhbərliklə münasibətləri qorumağa çalışın.
TƏRƏZİ
Qarşınızda olduqca məhsuldar bir ərəfə durub. Belə məqamlarda ətrafınızdakılara yalnız xoş ovqat paylamağa çalışın. Bu, həm gələcək uğurlarınıza böyük təkan verə, həm də ovqatınızı yüksəldə bilər. Fevralın 18-dən sonra maraqlı iş təklifi alacağınız gözlənilir.
ƏQRƏB
Ətrafınızda hər şeyin gözəl olmasını istəyirsinizsə, daxili sabitliyinizi bərpa edin. Çünki indiki məqamda tələskənlik və emosionallıq sizi çətin duruma sala bilər. Hər addımda İlahi qanunlardan yararlanın. Cəmiyyətdə tutduğunuz mövqeyinizə də "əl gəzdirməyiniz" vacibdir. İstirahət günlərində doğmalarınızla əlaqə yaradın.
OXATAN
Yaxşı olar ki, ixtiyarınızda olan bu həftəni daha çox istirahətə həsr edəsiniz. Köhnə dostlarınızla əlaqələrinizi dərinləşdirin ki, nəzərdə tutduğunuz bəzi planlarınızın həlli sürətlənsin. Yeni iş təkliflərinə isə qətiyyən razılıq verməyin. Çünki fəaliyyətinizdə hansısa uğurlarınız gözlənilmir. Cümə günü qazanmaq ehtimalınız var.
OĞLAQ
Ulduzlar ətrafınızda sizləri aldadanların artdığını bəyan edir. Bu səbəbdən də davranışlarınızda taktiki gedişlər edib qurulmuş tələlərdən qurtulmalısınız. Əgər bu istiqamətdə çətinliyiniz olarsa, təcrübəli dostlarınızla məsləhətləşin. Rəhbərliklə mülayim davranın. Əgər uzaq yola çıxmaq fikriniz olsa, fevralın 18-ni gözləyin.
SUTÖKƏN
Daxili bədbinlikdən qurtulmaq istəyirsinizsə, dünyaya əbədi məskən kimi deyil, müvəqqəti sığınacaq kimi baxın. Onsuz da dünyanı düzəltmək heç kimə qismət olmayıb. Səhhətinizə, ələlxüsus da qan-damar sisteminizə fikir verin. Ulduzlar bu həftə ciddi maddi problemlərinizin olmayacağını bəyan edir. Amma uzaq səfərləri mümkün qədər təxirə salmalısınız.
BALIQLAR
Astroloji göstəricilər ilk növbədə sizə dəxli olmayan məsələlərə müdaxilə etməməyi məsləhət görür. Əgər deyilənlərə riayət edə bilsəniz, nüfuzunuza xələl gəlməyəcək. İndiki məqamda yalnız xeyirxahlıq göstərməlisiniz ki, savablarınız artsın. Bu həftə ailədə əmin-amanlıq yaratmaq başlıca vəzifənizə çevrilməlidir.
Səhifənin ünvanı:
http://ray.az/2010/02/15/b252rcl601r.html
ELA XOSUMA GELDI BACISKA ELLERINE SAGLIQ
shir
